Morgunstund gefur gull í mund...

... eða Fréttablaðinu inn um lúguna hjá einhverjum.

Við rifum okkur á fætur í morgun kl. 5:45 til að taka á móti Fréttablaðinu og dreifa því í hverfinu. Þar sem þetta var fyrsti dagur Hjartar sem blaðburðardrengs áttum við von á að fá kerru, tösku og lýsingu. Ekkert af þessu barst heldur einungis 98 eintök af blaðinu. Nú tóku við hringingar og bið eftir því hvort ekki ætti að redda þessu í snatri. Nei, ó, nei. Pósthúsið sem dreifir Fréttablaðinu er eins og seinvirk ríkisstofnun því ekkert var hægt að gera nema fara á hnén og biðja okkur allra náðarsamlegast að koma blaðinu út, enda hefur það nánast ekkert borist í sumar. Við fylltum þrjár Bónus-töskur og örkuðum af stað. Dreifingin tók u.þ.b. 30 mín. og náði maður að svitna vel. Svo var bara að horfa á Ol 2008 og vafra um netið.

IP er komin með vinnu. Byrjar 1. sept. hjá Avis bílaleigu í skrifstofustarfi. Skólinn byrjar á morgun hjá Bergi Óla, á miðvikudag hjá Andra Má og á föstudag hjá Hirti Geir. Skólabyrjunarvikan mikla er hafin.

Athugasemdir

[haddy (IP-tala skráð) 18.8.2008 kl. 18:06]

Kraftur í ykkur feðgum. Ingunn til hamingju með vinnuna , strákar gangi ykkur vel í skólanum og sakniði mín rosalega, því ég sakna ykkar svo sannarlega og Þorri minn baráttukveðjur, það dettur eitthvað frábært inn á borð til þín, það gerist alltaf.

Hafið þið það bara sem allra best, ég byrjaði að vinna á föstudaginn  ( gerði nefnilega ekkert í sumar BWWAAAHAHA).

Það var erfitt að  vakna svo var þetta bara fínt