Ný vika - ný verkefni.... eða þannig!!!

Vikan fór vel af stað með því að við slógum hraðamet í blaðaútburði. Allir fengu sín blöð á sínum tíma en það er ekki hægt að segja það sama um þann sem átti að bera út 24 Stundir hér í hverfinu

Morguninn var svo skrýtinn þegar drengirnir týndust í skólann og við gömlu bara ein heima. Við lögðum okkur bara aftur enda er verkefnafargið ekki að fara með okkur. Það hefur nefnilega tekið sig upp gömul leti sem erfitt er að hrinda á bak aftur.

Svo sótti IP Marhissu Kristínu ehf. og ætlum við að hafa hana í nokkra daga meðan hún er að jafna sig eftir hálskirtlatöku. Hvar ætti hún annars að vera? Við höfum allan heimsins tíma og hér vill hún vera. Ekki slæmur kokteill það

Enn rignir og rignir. Ég var búinn að gleyma hvað það er oft rigning hér syðra og þegar ég arka með blöðin á morgnana og raula með sjálfum mér dettur mér í hug þegar ég var að bera út Vísi í gamla daga og Gústa Randrup taldi blöðin inni í bílnum og setti þau í töskurnar þar svo þau yrðu ekki rennblaut á SBK planinu.

Það væri gaman að þið sem enn komið hingað inn til að lesa mynduð kvitta á einhvern hátt svo maður viti hverjir eru þar á ferð.

Athugasemdir

[Kolla (IP-tala skráð) 26.8.2008 kl. 09:15]

Kvitt

Sjáumst annars á laugardaginn

[Fríða Ragna (IP-tala skráð) 26.8.2008 kl. 12:16]

Kvitt, kvitt, kvitt

Kveðja

Fríða Ragna

[Nonni (IP-tala skráð) 26.8.2008 kl. 14:43]

Hver man ekki eftir Gústu................. henni er ekki hægt að gleyma, nóg af aukablöðum til að selja á frjálsum markaði............

Kveðja Nonni