7 feit ár og 7 mögur ár

Skondið að ríkið þurfi að hlaupa undir bagga með Glitni þar sem stjórnendur hans hafa makað krókinn duglega á liðnum árum og hafa að launum fengið feitustu starfslokasamninga sem um getur. Þeir hafa greinilega skilið við svo sviðna jörð að ekkert var eftir til að mæta hinum sjö mögru árum eins og í sögunni úr gamla testamentinu. 

Vona bara að þessar örþrifa aðgerðir ríkisstjórnarinnar hafi jákvæð áhrif þegar til lengri tíma er litið þó svo að ekki sé hægt að sjá það í dag með krónuna í frjálsu falli eins og fallhlífastökkvara úr hæstu hæðum. Fallhlífastökkvarinn verður að grípa til fallhlífarinnar áður en hann kemur til jarðar til að forða því að illa fari. Kannski eru þessar aðgerðir fallhlíf í frjálsu falli krónunnar. Hver veit?

Ég held að það þurfi að ríkisvæða mig sem fyrst.

Ríkið eignast 75% í Glitni

Athugasemdir

[haha (IP-tala skráð) 29.9.2008 kl. 10:57]

Ætlar ríkisstjórin líka að kaupa upp skuldahala heimilanna í landinu, jeppann, hallrinar, sumarhúsin, fellihýsin og fleyta þannig þjóðinni í gegnum kreppunna?

[Ásgrímur Hartmannsson, 29.9.2008 kl. 22:08]

Jepparnir, sumarhúsin og allt það mun taka upp á því að brenna á dularfullan hátt á næstum 2 árum.  Vel tryggt, sjáðu til.