Í tilefni dagsins

Í tilefni dagsins tilkynnist það hér með að kallinn er búinn að ráða sig í vinnu. Húrra, jibbí, sjúket, yes, það var mikið, great og allt það fór í gegnum huga minn þegar ég var búinn að handsala ráðninguna við Snorra þjónustustjóra Alp.

Ég er semsagt búinn að ráða mig í afgreiðslustarf hjá Alp bílaleigu sem rekur Avis og Budget. Starfsstöðvarnar eru tvær, í flugstöðinni og í húsi fyrirtækisins rétt norðan við flugstöðina (undir IP!!)

Byrja á mánudagsmorguninn kl. 05:00 árdegis og verð á 12 tíma vöktum. Líst bara vel á og er þakklátur fyrir að hafa fengið vinnu svona á síðustu og verstu tímum.

Ég klikkaði reyndar alveg að senda inn umsóknir til Glitnis, Eimskips, Stoða og annarra álíka vel stæðra fyrirtækja.

    

Stóra tilefnið í dag er hins vegar ekki ráðningin mín heldur afmælisdagur ljúflingsins Bergs Óla miðjubarns. Hann er 16 ára í dag þessi öðlingur og hyggst eyða deginum í skólanum og í feitum faðmi fjölskyldunnar (hann er jú víst ennþá eina mjónan hér á bæ - en það gæti nú breyst, hver veit).

Innilega til hamingju með afmælið Bergur okkar.

Athugasemdir

[Drekavallagengið (IP-tala skráð) 2.10.2008 kl. 18:47]

Innilega til hamingju með nýju vinnuna  vona að þér eigi eftir að líka vel.

Hann á afmæli í dag, hann á afmæi í dag, hann á afmæli hann Bergur hann á afmæli í dag. Til hamingju með daginn

Kveðja

Drekavallagengið

[Hallfríður Jóna Jónsdóttir, 4.10.2008 kl. 00:41]

Til hamingju með afmælið Bergur minn og Þorri til hamingju með að vera kominn með vinnu.  

Skagakveðjur

Haddý Jóna