Afmælisdrengur

Í dag 19. nóvember eru liðin 20 ár frá því að okkur IP fæddist yndislegur, heilbrigður og fallegur drengur. Þetta var einn af mestu hamingjudögum í okkar lífi og tvímælalaust sá stærsti fram að þeim degi. Maður breyttist frá því að vera áhyggjulaus afglapi í að vera ábyrgur faðir. Hversu ábyrgur verður ósagt látið en ég held að við höfum alla tíð reynt að leggja okkur fram um að sinna okkar skyldum eins vel og við höfum vit og þroska til. Útkoman er þessi m.a. þessi litli drengur okkar sem verður tvítugur í dag 19. nóv., nánar tiltekið kl. 11:38 ef ég man rétt. Hversu stoltur getur maður verið??? Við IP erum í það minnsta brjálæðislega stolt og lukkuleg og þakklát fyrir að hafa fengið að eignast slíkt eintak sem Andri Már er.

Þessi drengur er m.a. einstaklega ljúfur, glaðlyndur, hnyttinn í tilsvörum, stríðinn, hlýðinn, ábyrgur, fyndinn og á allan hátt hvers manns huglúfi. Við foreldrarnir gætum verið í alla nótt að mæra mannkosti hans.

Elsku Andri Már. Innilega til hamingju með 20 árin. Við vonum að þú eigir góðan dag og bjarta framtíð  

Fyrir þá sem vilja kíkja á afmælisbarnið þá verður heitt á könnunni á H4 eftir hádegi á sunnudag og þá fögnum við líka fertugsafmæli móðurinnar á heimilinu   

Athugasemdir

[Hallfríður Jóna Jónsdóttir, 19.11.2008 kl. 00:42]

Til hamingju með drenginn, og Ingunn mín til hamingju fyrirfram :)  ótrúlegt hvað tíminn flýgur áfram hjá okkur öllum.

Ég kíki seinna í kaffi

Knús á línuna

Haddý Jóna

[Drekavallagengið (IP-tala skráð) 19.11.2008 kl. 09:55]

Hæ hæ

Innilega til hamingju með guttann 

Bestu afmæliskveðjur til þín Andri sjáumst á sunnudag.

Kveðja Nonni frændi og co.

[Erna Kristinsdóttir (IP-tala skráð) 19.11.2008 kl. 16:58]

Kæru hjón til hamingju með frumburðinn,hann er verulega vel lukkaður þessi drengur.

Elsku Andri til hamingju með 20 árin.

Kveðja frá Réttarholtinu.