Loksins, loksins

Jæja loksins kemur hér ein færsla, einmana og lítil. Öll þörf til tjáskipta á þessum miðli hefur færst yfir í notkun á fésbókinni sem ég ætlaði sko aldeilis ekki að leggja lag mitt við. Það virðast einfaldlega langflestir vera komnir þangað inn, nema konan mín sem enn þrjóskast við - þó svo að hún sé núna farin að kíkja yfir öxlina á mér þegar ég vafra um á bókinni (í brókinni einni fata).

Lífið gengur sinn vanagang. Danska fósturbarnið þýðist okkur alltaf betur og betur og potturinn er notaður óspart, enda einmuna veðurblíða hér alla daga.

Skruppum norður á Melstað sl. laugardag til að vera við útför Frigga á Ósi. Erfið stund en falleg. Hittum fullt af góðu fólki þó svo að aðrir hafi verið með hundshaus og helst litið undan. Þeirra samviska er þeirra vandamál.

Sjáumst á fésinu. 

Athugasemdir

[Nonni (IP-tala skráð) 26.1.2009 kl. 23:47]

Hæ hæ

Fésið er ekki fyrir alla og ég eins og skynsöm eiginkona þín læt mig hafa það að vera ekki að flækjast þar inni.

 Kveða frá Jóni á Völlunum

[IP (IP-tala skráð) 27.1.2009 kl. 12:22]

Já  ég er sem sagt ekki eini steingerfingurinn í fjsk.  Við erum a.m.k. tvö - ég og Jón á Völlum (hljómar vel, verður ekki nefndur öðruvísi hér eftir)

kona "bloggarans"